💡想知點買卷就睇呢篇 兩個步驟輕鬆搞掂💡
買卷可以有好多原因，可以買嚟俾師弟妹參考，買返嚟作為那年十七努力過嘅憑證，買嚟賽後檢討……無論原因係點，記住買卷係有deadline的
⚠️今年deadline係2025年9月8日，之後就會永久銷毀⚠️ 所以要買就快
Step 1：填表
登入考評局個人資料申請，🔗傳送門在此🔗
根據考評局今年7月最新嘅查閱個人資料申請指引，買卷費用如下：
除咗英文Speaking以外，買第一個科目需要$380，之後每追加一個科目只需$104，多買多平 （考評局都幾有生意頭腦）
Step 2. 攞卷! 完成!
交完表同成功付款之後，考評局就會準備你份卷，官方就話需時40天左右。準備好就會send email俾你，入面會有你嘅檔案密碼。跟住指示登入返HKEAA個網就可以下載。如果過咗好耐都未有email，記住睇下spam folder，或者打去考評局問吓。
⚠️留意⚠️除咗上述嘅買卷限期，download份卷都係有限期的，記住係限期前download份卷，過咗限期就會冇咗份卷，俾咗錢都無用
常見問題
Q: 幾時可以申請？
A: 只要開到Step 1個 🔗申請傳送門🔗 就申請得。
Q: 買卷係咪即係Appeal成績？
A: 不是。
買卷同放榜後上訴成績係兩個完全唔同嘅程序，兩個程序deadline完全唔同，費用都完全唔同，詳情請參考考評局網站。
上訴成績係請考評局重新批改你份答卷，睇下佢會唔會俾高啲分你。今年Appeal deadline係2025年7月21日。你唔會有份卷嘅複本。
買卷你會獲得嘅，係一份考試當日答卷嘅複本，即係俾錢買文件。
買完卷後，如果你睇完份卷發現有充份理據證明marker有改錯，可以申請覆核。Deadline係你收到考評局叫你download份卷嘅email嘅10日內。
Q: 買卷可唔可以淨係買一份分卷，例如我淨係想買Writing?
A: 不可以。
除咗英文Paper 4 speaking可以獨立購買，所有其他科目嘅價錢已經包括全部嘅分卷。
例如買英文一科，就會有齊Paper 1-3。買數學，就會有齊Core + M1/M2。